ထိုက်တန်တဲ့နေရာ ဖြစ်ပါစေ

ဖတ်ဖြစ်အောင်ဖတ်ကြည့်လိုက်စမ်းပါ
တစ်ခုခုတော့ အကျိုးရှိစေရမယ်လို့ အာမခံပါတယ်။
ခေါင်းစဉ်လေးက......................ထိုက်တန်တဲ့နေရာ ဖြစ်ပါစေ......တဲ့။

သမီးတို့ရေ . . . . .

ဖေဖေသမီးတို့ကိုမေးခွန်းတစ်ခုမေးမယ်နော်။ခက်ခက်ခဲခဲတော့မဟုတ်ပါဘူး၊ လွယ်လွယ်လေးပဲ မေးမှာ ပါ။
``လုပ်ငန်းခွင်တစ်ခုမှာ မန်နေဂျာအလုပ်နဲ့ သန့်ရှင်းရေးအလုပ်နှစ်ခုထဲက တစ်ခုကိုရွေးပါဆိုရင်သမီးတို့
ဘယ်အလုပ်ကို ရွေးမလဲ´´
``ဖေဖေကလည်း မန်နေဂျာပဲလုပ်မှာပေါ့ ၊ သန့်ရှင်းရေးတော့မလုပ်ချင်ပါဘူး´´လို့ သမီးတို့ ချက်ချင်း ဖြေကြမှာ မဟုတ်လား။
မှန်တာပေါ့ သမီးတို့ရယ်။ လူဆိုတာကတော့ မြင့်တဲ့နေရာကိုပဲ နေချင်ကြမှာပေါ့။ ဘယ်သူက နိမ့်တဲ့ နေရာမှာ နေချင်ကြမှာတုန်း။ဖေဖေဆိုရင်လည်း မန်နေဂျာအလုပ်ကိုပဲရွေးချယ်မှာပေါ့။
အထူးသဖြင့် သမီးတို့မိန်းကလေးတွေက ဘယ်ကိစ္စ၊ဘယ်နေရာမှာပဲဖြစ်ဖြစ် သူများထက်အစစ သာလွန်ရမှ ကျေနပ်တင်းတိမ်တတ်ကြတာ။ အစားအသောက်ဆိုရင်လည်း ကောင်းပေ့ညွန့်ပေ့ဆိုတာကိုမှ စားချင်ကြတယ်။ အ၀တ်အစားဆိုရင် လည်း အဆင့်မြင့်မြင့် ရယ်ဒီမိတ်မှ ၀တ်ချင်ကြတယ်။ရယ်ဒီမိတ်ချင်း တူတာတောင်မှ ပြည်တွင်းဖြစ်ထက် နိုင်ငံခြားဖြစ်ကိုမှ ရွေးကြ ကြိုက်ကြတာ။အလှအပအတွက်ဆိုရင်လည်း ရှင်မတောင်သနပ်ခါးထက် နိုင်ငံခြားဖြစ်မိတ်ကပ်တွေကိုပဲ သုံးချင်စွဲချင်ကြတာ။တန်ဘိုးနည်းတာထက် တန်ဘိုးကြီးတာကိုမှ သုံးချင်ကြတာ။
လုပ်ငန်းခွင်တွေထဲမှာဆိုရင်လည်း ဒီလိုပါပဲ။သူများနဲ့ယှဉ်ရင် ကိုယ်ကပိုပြီး အနိုင်ယူချင်တယ်။ ကိုယ်က ပိုပြီး ထင်ပေါ်ချင်တယ်။ ကိုယ်ကပိုပြီး နေရာရချင်တယ်။ကိုယ်ကပိုပြီး ထင်ထင်ရှားရှားဖြစ်ချင်တယ်။ဘယ် လောက်တောင် ထင်ပေါ်တာကိုကြိုက်ကြသလဲဆိုရင် ဌာနပေါင်းစုံအစည်းအဝေးရှိတဲ့အချိန်မှာတောင်မှ တမင် သက်သက် ဆယ်မိနစ်လောက်နောက်အကျခံပြီး အစည်းအဝေးခန်းမထဲကို ၀င်ကြသတဲ့။ရည်ရွယ်ချက်ကတော့ ကိုယ့်ကိုလူတွေသတိထားမိအောင်လို့တဲ့လေ။ စည်းကမ်းနဲ့ ညီ၊မညီဆိုတာကတော့ ခဏထားလိုက်ပေါ့လေ။
ဖေဖေပြောတဲ့စကား နည်းနည်းများသွားရင်တော့ ခွင့်လွှတ်ပါသမီးတို့။ ဖေဖေ့အမြင်ပြောရရင် သမီးတို့ မိန်းကလေးတွေက ယောက်ျားတွေထက် အတ္တ၊လောဘ ပိုများတယ်လို့တော့ ဖေဖေယူဆမိတယ်။
ဘာပဲပြောပြော အောင်မြင်ချင်တယ်၊ထင်ရှားချင်တယ်ဆိုတဲ့ကိစ္စက မိန်းကလေးတွေအတွက် သိပ် ကောင်းတဲ့စိတ်ဓာတ်ပါ။ဖေဖေအားပေးပါတယ်။အဲဒီစိတ်မျိုးတွေရှိတဲ့အတွက်လည်းလေးစားအထင်ကြီးပါတယ်။
ဒါပေမယ့်သမီးတို့ရယ်၊ မိန်းကလေးပဲဖြစ်ဖြစ်၊ ယောက်ျားလေးပဲဖြစ်ဖြစ် အောင်မြင်ထင်ရှားဖို့အတွက် ရုန်းကြကန်ကြတဲ့အခါမှာ မှန်မှန်ကန်ကန်၊ ရိုးရိုးသားသား၊ သန့်သန့်ရှင်းရှင်းဖြစ်ဖို့ သိပ်လိုအပ်တယ်သမီး။ သိပ်လည်း အရေးကြီးတယ်သမီးတို့။
ကိုယ့်တစ်နေရာစာရဖို့အတွက် သူများကို ချောက်တွန်း တတ်တာ၊ အဆင်းဘီးတပ် တတ်တာ၊ နောက် ကျောကိုဓားနဲ့ထိုး တတ်တာ၊ကုန်းချောသွေးထိုး တတ်တာ၊မြောက်ပင့်လိမ်ညာ တတ်တာ၊သင်းကွဲပြိုပျက် စေ တတ်တာ၊စတဲ့ မသမာတဲ့နည်းတွေနဲ့ ဘယ်တော့မှမလုပ်ရဘူးသမီးတို့။ဒီလိုကိစ္စတွေကို ဘယ်ဘာသာတရား ကမှလည်း နှစ်သက်လက်ခံမထားဘူး။
လူဆိုတာ တစ်ဦးနဲ့တစ်ဦး မှန်ကန်တဲ့နည်းလမ်းတွေနဲ့ ယှဉ်ပြိုင်ရတယ်။ ပြိုင်ကြဆိုင်ကြလို့ ကံအား လျော်စွာအရေးနိမ့်ခဲ့ရင်တောင်မှ ကျေကျေနပ်နပ်လက်ခံပေးတတ်ရတယ်။ပျော်ပျော်ရွှင်ရွှင် ကြည်ကြည်နူးနူးနဲ့ မုဒိတာပွားတတ်ရတယ်။ အလစ်အငိုက်ချောင်မြောင်း တိုက်ခိုက်တတ်တယ်ဆိုတာ စိတ်ဓာတ်အဆင့်နိမ့်သူတွေ သာလျင် လုပ်တတ်ကြတာလို့ သမီးတို့ ကောင်းကောင်းသိထားဖို့လိုတယ်။

အားလုံးကိုမဆိုလိုပေမယ့် သမီးတို့မိန်းကလေးတစ်ချို့မှာမိမိရဲ့ရာထူးနေရာလိုချင်တပ်မက်စိတ်ကြောင့် လုပ်ငန်းခွင်အတွင်း မှားမှားယွင်းယွင်းကျင့်သုံးနေကြတဲ့ အချက်တစ်ခုကို ဖေဖေထောက်ပြချင်တယ်သမီး။
ရာထူးလိုချင်တယ်၊ နေရာရချင်တယ်ဆိုတဲ့အခါကျတော့ မိန်းကလေးတို့သဘာဝ အပြိုင်အဆိုင်ကြိုးစား ကြတယ်။အဲဒီမှာ တချို့မိန်းကလေးကဖြတ်လမ်းနည်း၊တစ်နည်းအားဖြင့် အောက်လမ်းနည်းကိုသုံးကြတော့တာ ပဲ။
ဒီလုပ်ငန်းထဲမှာ အမှန်တကယ်ရာထူးတိုးပေးနိုင်တာ၊အမှန်တကယ်လစာတိုးပေးနိုင်တာ ဘယ်သူဖြစ်မ လ၊ဲ ပထမဆုံးကြည့်တယ်။ သူဌေးလို့မြင်ရင် သူဌေးကိုကပ်တယ်။ မန်နေဂျာလို့မြင်ရင် မန်နေဂျာကို ကပ်တယ်။ ကိုယ်မှာရှိတဲ့အလှအပကို ပြလို့ရသမျှ ပြတယ်။ချွဲလို့ရသမျှချွဲတယ်။အရင်းနှီးဆုံးဖြစ်လာအောင် အားလုံး မတွန့်မတို ရင်းတယ်။ ဒီနေရာမှာ တစ်ခုပြောစရာရှိတာက သူဌေတိုင်း၊မန်နေဂျာတိုင်းကတော့ ၀န်ထမ်း မိန်း ကလေးတစ်ယောက်ရဲ့ စည်းရုံးသိမ်းသွင်းမှုနောက်ကို ပါတတ်ကြတာမဟုတ်ပါဘူး။ ဒီလိုကိစ္စတွေအတွက်နဲ့ သိက္ခာကျမခံတဲ့ ၊စောင်စည်းတတ်တဲ့ သူဌေးတွေ အများကြီးရှိတယ်ဆိုတာကိုတော့ ဖေဖေတို့လည်း သိပြီးသားပါ။
တစ်ဘက်ကနေ အားမနာတမ်းပြောရရင် အဲဒီလို မဟာအခွင့်အရေးတွေကို အချိန်ကိုက်စောင့်ဆိုင်းနေတဲ့ စားနေကျကြောင်ဖား သူဌေးတွေ၊ မန်နေဂျာတွေ မရေမတွက်နိုင်အောင်ရှိတယ်ဆိုတာကိုလည်း သမီးတို့ မေ့ထားလို့မဖြစ်ဘူးကွဲ့။
ဒီလိုနဲ့.......၊ ကြောင်ခံတွင်းပျက်နဲ့ ဆက်ရက်တောင်ပံကျိုးတို့ တိုက်တိုက်ဆိုင်ဆိုင် ပက်ပင်းတိုးကြချိန်မှာ တော့ အခုနက ဖြတ်လမ်းလိုက်တတ်တဲ့မိန်းကလေးတွေ နေ့ချင်းညချင်းကောင်းစားကြတော့တာပါပဲ။ အချိန် တိုလေးအတွင်းမှာပဲ သူလိုချင်တဲ့လစာတွေကိုရတယ်။သူမက်မောတဲ့ ရာထူးနေရာတွေကိုရတယ်။ အကြောင်း မသိသူတွေအတွက်တော့ အားကျအထင်ကြီးစရာကောင်းလောက်အောင်ကို မြန်နှုန်းမြင့် တိုးတက်သွားလိုက် ကြတာ။လောလောဆယ်ပေးဆပ်လိုက်ရတာကတော့ မိန်းကလေးတစ်ယောက်ရဲ့ ဘ၀ကြီးပေါ့။
ဒါပေမယ့် လူဆိုတဲ့သတ္တ၀ါက မိမိကိုယ်မိမိ အချစ်ဆုံးပဲမဟုတ်လား။
ကမ္ဘာကြီးမီးလောင်ပြီဆိုတဲ့ အချိန်လည်းရောက်ရော အခုနက သူဌေးတို့၊ မန်နေဂျာတို့ဆိုတဲ့လူတွေက သူတို့ ဥစ္စာစီးပွားကို မစွန့်လွှတ်ပါဘူး။သူတို့ရာထူးအာဏာတွေကို မစွန့်လွှတ်ပါဘူး။ သူတို့မိသားစုအသိုက် အမြုံကို အပြိုကွဲမခံပါဘူး။
ဖြတ်လမ်းလိုက်မိတဲ့မိန်းကလေးကိုသာ သားကောင်အဖြစ်နဲ့ ချနင်းပစ်ကြတော့တာပါပဲ။
ဒီအချိန်ကျမှရတဲ့ နောင်တ ဆိုတာမျိုးက အချိန်မှီကုလို့ရတဲ့အရာမျိုးမှ မဟုတ်တာ။
မိမိမှာက ကိုယ်ပိုင်အရည်အချင်းကလည်းမရှိ၊ မှီခိုစရာ နေရာကလည်းနတ္ထိနဲ့ ၊နောက်ဆုံးတော့ ဘ၀ရေစုံကြောမှာ မျောပါနစ်မြုပ်ရတာပဲအဖတ်တင်ရတော့တာပေါ့။
သမီးတို့ သေသေချာချာစဉ်းစားကြည့်စမ်းပါ။ ကိုယ့်မှာသာ ကိုယ်ပိုင်အရည်အချင်းရှိမယ်ဆိုရင် ဘယ်လို
အခြေအနေအချိန်အခါပဲဖြစ်ဖြစ် ဘယ်သူ့ကိုမှ ရာနှုန်းပြည့်အားကိုနေစရာမလိုပါဘူး။ဘယ့်သူ့ကိုမှ ချွဲနွဲ့မြှူဆွယ် နေစရာမလိုပါဘူး။ဘယ့်သူ့ဆီကမှ လက်ဝါးဖြန့်တောင်းခံနေစရာမလိုပါဘူး။
ကိုယ်နဲ့မထိုက်တန်တဲ့နေရာတစ်ခုကို လောကကြီးက ဘယ်တော့မှအကြာကြီးပေးမထားတတ်သလို ကိုယ်နဲ့ထိုက်တန်တဲ့ နေရာတစ်ခုကိုလည်း လောကကြီးက အလိုအလျောက်ပေးထားပြီးသားဆိုတာ သမီးတို့ အပြည့် အ၀ယုံကြည်လိုက်ကြစမ်းပါ။
အချုပ်အနေနဲ့ပြောရရင် သမီးတို့ ကိုယ့်ကိုယ်ကို အရည်အချင်းပြည့်ဝအောင်ကြိုးစားကြရင်း၊ မှန်ကန်တဲ့ နည်းလမ်းတွေနဲ့ ကိုယ့်ဘ၀တိုးတက်အောင်ကြံဆောင်ကြရင်းနဲ့
ကိုယ်နဲ့ထိုက်တန်တဲ့နေရာတစ်ခုကို လိပ်ပြာသန့်သန့်၊ထိုက်ထိုက်တန်တန် ရယူပိုင်ဆိုင်နိုင်ကြပါစေလို့ ဖေဖေဆုတောင်ပေးလိုက်ပါတယ်။

Credit to မောင်အေးကို(ပေါင်းတလည်)