မခွဲစတမ်းဆိုပါတော့ ခင်ရယ်...

အထိအတွေ့ဟာ ကောင်းကင်ရဲ့

ဟိုဘက်အစွန်းနဲ့ဒီဘက်အစွန်းပေါ့ ခင်

ကျကွဲပြီစ မုန်ညင်းဆီပုလင်းဟာ အသံသာတယ်နော်

ခင် စိတ်ဝင်စားမယ်ဆို ကျနော်ပုလင်းအသစ်တစ်လုံး

ဖန်ဆင်းပြမယ် ခင်

ဒီပုလင်းထဲမှာ တောင်တန်းကြီးဟာမှိုင်းလို့

တောင်ပေါ်ကကြွေကျလာတဲ့သစ်ရွက်ဟာ

လေမလုံသေးတဲ့ပုလင်းထဲမှာ

အကြောသေသွားတယ် ခင်

အနီးအဝေးအမှတ်စက်တွေပေါ် အမြင်အကြားကံမပါတဲ့ကောင်မို့

ကျကွဲတော့မယ့် အက်ပြီးသားပုလင်းလို

ခင် သနားပါ

ခင့်အတွက် အနာအတုဆိုတဲ့ကျနော်ဟာ

ဘယ်လောက်မွှန်းမွှန်း

အစစ်မဖြစ်တာမို့ ကျကွဲသွားတဲ့

ပုလင်းတွေကလည်း အသည်းမမာ/နာ ပါ ခင်

လေအေးလေးတိုက်လာရင် ပျောက်သွားမယ့်

ရောဂါထဲ ကျနော်ဝင်ဖျားကြည့်နေတာပါ ခင်

ငေးကြည့်နေကျ ပုလင်းထဲက လေလေးနည်းနည်းတိုက်ပေးပါ

ဟော နေထိုးနေတဲ့ပုလင်းထဲက ရှုခင်းမှာ

ကျနော် ရှုခင်းကြီးပိနေပြန်ပြီ ခင်

ပုလင်းကွဲလေးရှရုံနဲ့

ခေါင်းစဉ်မေ့သွားတဲ့ကဗျာကို

ကျနော် ခဏခဏပြန်ချရေးနေသလို

ခင်လည်းကျနော်ဖန်ဆင်းထားတဲ့ ပုလင်းထဲမှာ

မကွဲမရှလေးလှနေမှပေါ့ ခင်ရယ်

ဒါနဲ့ ခင့်စကားမှာ ကျနော့နားအတွက် အမှားကြီးကြီးပါလာတယ်

မတော်တဆ တိုက်မိခဲ့တဲ့ဘဝတွေမို့

မခွဲစတမ်းပဲ ဆိုကြပါစို့ ခင်ရယ် ။ ။



(တေးခက်)