တစ်ပတ်လျှင် နှစ်နာရီခွဲ ခပ်သွက်သွက် လမ်းလျှောက်ပေးခြင်းသည် သွေးတိုး ဖြစ်နိုင်မည့် အန္တရာယ် လျော့ကျ စေနိုင်သည်ဟု သိပ္ပံ ပညာရှင်များက ကြေညာလိုက်သည်။ အသစ်ပြုလုပ်ခဲ့သည့် လေ့လာသုံးသပ်မှု တစ်ခုက လေ့ကျင်ခန်း အတော်အသင့် ပြုလုပ်ခြင်းသည်ပင်လျင် သွေးတိုးဖြစ်မည့် အန္တရာယ်ကို လျော့ကျစေနိုင်ကြောင်း ဖေါ်ပြလိုက်သည်။ မိသားစု မျိုးရိုးလိုက်၍ သွေးတိုးဖြစ်နိုင်မှုမှာ ၂၆ ရာခိုင်နှုန်း ရှိပါသည်။ ယခင်က သုတေသနပြု လေ့လာခဲ့မှုများအရ သွေးတိုးရောဂါရှိသူ မိဘများမှ ပေါက်ဖွားလာကြသူများ မျိုးရိုးလိုက်၍ သွေးတိုးရောဂါ အမျိုးမျိုး ဖြစ်မှုမှာ ၃၅ ရာခိုင်နှုန်းမှ ၆၅ ရာခိုင်းအထိ ရှိသည်ဟု သိရသည်။ မိဘများ၏ သွေးတိုးဖြစ်မှုနှင့် အသက်အရွယ်ပေါ် မူတည်၍ သွေးတိုးရောဂါ ဖြစ်နိုင်သည့် အန္တရာယ်အဆင့် အမျိုးမျိုး ကွဲပြား ခြားနားပါသည်။
သုတေသီများက အသက် ၂၀ မှ အသက် ၈၀ ကြားရှိ အရွယ်ရောက်ပြီးသူ လူပေါင်း ၆၂၇၈ ဦးအား ပျမ်းမျှ ၄.၇ နှစ် ခြေရာကောက် လေ့လာခဲ့ရာ ၃၃ ရာခိုင်နှုန်းမှာ မိဘများတွင် သွေးတိုးရောဂါ ရှိနေကြောင်း သိရှိခဲ့ရသည်။ ယခုလေ့လာမှု စတင်ချိန်တွင် လေ့လာစမ်းစစ် ခံရမည့်သူ အားလုံးမှာ ကျန်းမာရေး ကောင်းနေကြပြီး သွေးတိုးရောဂါ ရှိမရှိကို ဆေးစစ်ခဲ့ကြခြင်း မရှိဟု ဆိုသည်။ လေ့ကျင့်ခန်း ပြုလုပ် စမ်းသပ်ကြည့်သောအခါ ၎င်းတို့၏ နှလုံးခုံနှုန်းမှာ အနည်းဆုံး ၈၅ ရာခိုင်နှုန်း ရှိသည်ကို တွေ့ရသည်။ သုတေသီများက ၎င်းတို့၏ ခန္ဓာကိုယ် ကြွက်သားများသို့ အောက်စီဂျင်နှင့် အခြား လိုအပ်သော ဓာတ်ပစ္စည်းများ ပေးပို့ သယ်ဆောင်နိုင်စွမ်းကို လမ်းလျှောက် လေ့ကျင့်ခန်းစက် အသုံးပြု၍ စမ်းသပ် စစ်ဆေးခဲ့ကြသည်။ လေ့လာမှု ပြုစဉ်အတွင်း စမ်းသပ် စစ်ဆေးခံသူများထဲမှ ၁၅၄၅ ဦးတွင် သွေးတိုးရောဂါ ရှိနေကြောင်း တွေ့ခဲ့ရသည်။
လေ့လာသုတေသနပြုမှု ရလဒ်မှာ စမ်းသပ် စစ်ဆေး လေ့လာမှုပြု ခံခဲ့ရသူများထဲမှ သွေးတိုးရောဂါ မိဘမျိုးရိုးရှိသူများနှင့် မရှိသူများ အားလုံးတွင် ကြံ့ခိုင်ကျန်းမာမှု အနေအထား အလွန်ကောင်းသူများ၌ သွေးတိုးရောဂါ ဖြစ်နိုင်သည့် အန္တရာယ် ၄၂ ရာခိုင်နှုန်းသာ ရှိသည်ကို တွေ့ရသည်။ ကြံ့ခိုင်ကျန်းမာမှု အနေအထား အသင့်အတင့် ရှိသူများ၌ သွေးတိုးရောဂါ ဖြစ်နိုင်သည့် အန္တရာယ် ၂၆ ရာခိုင်နှုန်း ရှိသည်ကို တွေ့ခဲ့ရသည်။ ကျန်းမာကြံ့ခိုင်မှု အနေအထား နိမ့်ပြီး မိဘမျိုးရိုး၌ သွေးတိုးရောဂါ ရှိနေသူများတွင် သွေးတိုးရောဂါ ဖြစ်နိုင်သည့် အန္တရာယ် ၇၀ ရာခိုင်နှုန်း ရှိနေကြောင်း တွေ့ရပြီး မိဘမျိုးရိုးတွင် သွေးတိုးရောဂါ ရှိသော်လည်း ကျန်းမာကြံ့ခိုင်မှု အလွန်ကောင်းသူများတွင် သွေးတိုးရောဂါ ဖြစ်နိုင်သည့် အန္တရာယ် ၁၆ ရာခိုင်နှုန်းသာ ရှိသည်ကို တွေ့ရသည်။ အဆိုပါ စူးစမ်းလေ့လာမှုအရ တစ်ပတ်လျှင် အနည်းဆုံး ၅ ရက်တစ်ကြိမ်လျှင် မိနစ် ၃၀ ခပ်သွက်သွက် လမ်းလျှောက်လေ့ကျင့်ခန်း ပြုလုပ်သူများကဲ့သို့သော ကာယလေ့ကျင့်ခန်း အသင့်အတင့် ပြုလုပ်သူများသည် သွေးတိုးရောဂါ ဖြစ်နိုင်သည့် အန္တရာယ် လျော့နည်းကြောင်း Hypertension ဂျာနယ်တွင် ဖေါ်ပြထားပါသည်။
ရတနာပုံ ဘာသာပြန်သတင်း
Ref: Yatanarpon
No comments:
Post a Comment